لو انت موظف فعلا يبقى انت عارف ايه اللي هيتقال هنا بس اهلا بيك للتأييد .....

لو انت مش موظف أصلا يبقى تعال وزي ما بيقولوا خد فكرة اشتري بكرة...

كاتبة هذه السطور كتبتها بعد خبرة في العمل موظفة.....المسكينة كانت فاكرة نفسها هتقدر تعمل حاجة!!!!

قواعد رئيسية يعرفها كل موظف:

- ما تشتغلش ما تغلطش.... اشتغل قليل تغلط قليل.... اشتغل كتير تغلط كتير تتجازى وتتعاقب...

- خد بالك من زمايلك ف الشغل دل ممكن يودوك ف ستين داهية

- نافق رئيسك تعيش

- اياك والصراحة...هتروح ف ستين داهية

- ركز مع اللي ف ايديهم الكشوفات..هم دول أولياء نعمتك

- صلتك بالساعي بتاع رئيس مصلحتك أهم من صلتك بأي مدير عام عندكم.

- لازم لشغلانة ما تاخدش ورقة واحدة تمضي عشر ورقات ما لهومش لازمة

- بلاش تنجز أوي وإلا تبقى ناوي تعملهم فيها بتاع

- اوعاك تفتكر أنك هتغير سيستم قائم بقاله 100000000 سنة أصل النتيجة معروفة حاجة واحدة بس اللي هتتغير نتيجة لمحاولتك دي....انت هتبقى عاطل لأنهم ببساطة هيرفدوك.

- مش المهم مين جاي بواسطة المهم واسطة مين أهم من مين......

وكفاية عليكم كده المرة دي:)))))))))